Рэканструкцыю “Партызаны, партызаны, беларускія сыны” правялі напярэдадні 75-годдзя Вялікай Перамогі вучні і настаўнікі Капаткевіцкай сярэдняй школы. Рэканструкцыя прысвечана партызанскаму руху на Палессі.Даваеннае жыццё сялянскай сям’і, у якой падрасталі сыны і дачка –нявеста, перапыніла вайна. У партызаны пайшоў бацька з сынамі, дачку забралі ў Германію, маці засталася адна і выпякае хлеб для партызанскага атрада. Бацька з сынамі ваюе ў мясцовых лясах разам з салдатамі – акружэнцамі. Дадому яны не вярнуліся жывымі. У вялікім смутку Маці аплаквае сваіх і чужых дзяцей. Ніхто не забыты, нішто не забыта.

У рэканструкцыі выкарыстаны экспанаты школьнага краязнаўчага музея, збудаванні этнаграфічнай пляцоўкі, а таксама асабістыя рэчы ўдзельнікаў і арганізатараў падзеі. Глядзіце фота.